मुंबई : संपूर्ण जगात कोरोनाचा फैलाव फार मोठ्या प्रमाणावर होताना दिसत आहे. भारतात देखील कोरोना रुग्णांच्या आकड्यात वाढ होतान पाहायला मिळत आहे. लॉकडाऊनच्या घषणेनंतर प्रत्येक जण स्वत:च्या घरात राहणं पसंत करत आहेत. गेल्या अनेक दिवसांपासून सामान्य जनते शिवाय मोठ्या कलाकारांना देखील कोरोनाची लागण झालेच्या बातम्या समोर येत आहेत. त्यामध्ये बॉलिवूडची प्रसिद्ध गायिका कनिका कपूरला देखील कोरोनाची लागण झाल्याचं समजत आहे. त्यामुळे संपूर्ण कलाविश्वाकडून चिंता व्यक्त होताना दिसत आहे.
महत्त्वाचं म्हणजे आतापर्यंत कनिकाच्या कोरोनाच्या पाचही चाचण्या पॉझिटिव्ह आल्या आहेत. त्यामुळे तिच्या कुटुंबीयांमध्ये भीतीचे वातावरण आहे. सध्या लखनऊमध्ये तिच्यावर उपचार सुरू आहेत. तिच्या स्थितीत सुधारणा होत असल्याचं सांगितलं जात आहे. कनिका कपूर सध्या संजय गांधी पोस्ट ग्रेजुएट इंस्टीट्यूट ऑफ मेडिकल साइंसेजमध्ये आहे.
